Duha ka motorsiklista ang patay sa managlahing vehicular accident sa Misamis Oriental!

Patay ang duha ka motorsiklista sa managlahing vehicular accident sa Misamis Oriental!
Matud ni Gitagum Municipal Police Station Investigator on Case Police Master Sergeant Jane Manggubat nga mihunong ang motor nga gisakyan sa biktimang-patay nga 41-anyos nga si Jeda Sacala ang nabangga-an sa Toyota Wigo sa tunga-tunga sa dalan.

“…base sa initial nga investigation sa atoang responding Police Officer kaning motor naa sa tunga sa dalan mihunong kay ready siya mo liko pa wala sa intersection and sa wala damha kining Toyota Wigo gikan sa iyang luyo na banggaan niya ang luyo nga bahin sa motorcycle ug hinungdan nga ang backrider niini nga si Jeda Sacala nalagput kini paingon didto sa mga siguro 3-4 meters ang gilay-on gikan sa motor ug ang kining motor nalagput usab kauban ang driver niini nalagput paingon didto sa Honda nga nag travel gikan sa Libertad going to Cagayan de Oro murag ilang kasugat so hinungdan pud nga naigo pud ang driver niini sa Honda XRM naigo ug gidala dayon kini sila sa balay tambalanan kining si Jeda na kabsan gyud tawon sa ilang hinulaman nga kinabuhi ug kining ang driver sa motor usab nga si Bryan Kabilagas gidala usab sa Initao ug gi-refer didto sa NMMC para sa dugang medical attention…”
Gitagum Municipal Police Station Investigator on Case Police Master Sergeant Jane Manggubat.

Samtang gikabutyag ni Balingasag Municipal Police Station Traffic Investigator Police Corporal Brylle Baylo nga nawad-an og control ang biktimang-patay nga nailang si Dennis Daquis Rectar kinsa’ng misulay pag overtake sa trailer truck kinsang nagmaneho sa susamang direction.

“…base sa atong imbestigasyon nga na himo nabutang siya nga purely accident gyud kay ang nahitabo pareho silang padulong sa Cagayan unya kaning motor single mo overtake siya sa right lane ang nahitabo dayon kay naay unhinged road crosses didto, siguro sa kakusog sa iyang dagan nawala ang iyang control sa motorsiklo mao tong natumba ug na paragos ang motor padulong sa dalan sa trailer truck mao tong naligsan gyud ang ulo sa tunga nga ligid…”
Balingasag Municipal Police Station Traffic Investigator Police Corporal Brylle Baylo

SOURCE:#16&#5
Photo Source: Manila Bulletin