Dugang suholan sa mga empleyado sa pribadong sektor, suportado ni Senate President Zubiri!

SUPORTADO ni Senate president Juan Miguel Zubiri ang dugang suholan sa mga empleyado sa pribadong sektor!
Gihimo sa Senador ang pamahayag dungan sa pag-anunsyo sa financial assistance sa mga empleyado sa Senado.
Matud ni Senador Zubiri nga haum kini sa panahon nga nagkataas ang presyo sa mga palaliton.
Gidugang pa niini nga dili na matawag nga “living wage” ang minimum wage.
Hisayran nga sa Senado, gipatas-an ngadto 50-mil pesos gikan 12,200-pesos ang inflation assistance sa mga empleyado.
Gipatas-an usab ngadto 50-mil pesos gikan 30-mil pesos ang medical assistance ug dugang 30-mil pesos sa matag tuig nga serbisyo alang sa mga mo-retiro’ng empleyado.

SOURCE: RP
Photo: Abante