Mayor Uy, dili supak nga ibalhin ang City Hall!
Dili supak si Mayor Rolando Uy nga ibalhin ang City Hall!
Kini human gi-special report ni Councilor Edgar Cabanlas niadtong lunes sa session nga ibalhin ang city hall aron kumportable ug convenient ang katawhan.
Matud ni Mayor Uy nga siya mismo nakadawat og reklamo nga wala’y eksaktong ka-parkingan ang City Hall.
“…mismo ako usab maoy nasinatian ug gisultian sa mga tao nga muanha sa atong buhatan nga mao na ilang mga reklamo nga duha – tulo ka oras nangitag parkinganan, maglisod sila’g parking makakita man gani sila’g parkinganan layo ra daw kaayo sa tanan. Mao ng nakita gyud nako ang kakulangon sa katawhanan sa dakbayan. Kaning atong City Hall maayo pagkaplastar pero panahon pani kato ang mga tao ga sakay pa tartanilla. Nakita naman ninyo ang ubang LGU nga gamay pa sa dakbayan sa Cagayan de Oro pero ang ilang mga buhatan, ilang munisipyo, ilang city hall dagko kaayo sa tanan, dili man palumbaay no pero gipangandaman na nila, dawbi dako man nga dakbayan musamot og problema kung dili ni matagaan og pagtagad mapangitaan natog kasolbaran…”
Mayor Rolando Uy
SOURCE: F2F/#27
PHOTO: Project LUPAD
