Lalaki, napalgang patay kaganihang kadlawon sa Brgy. Camaman-an ning ciudad!
PATAY nga nadiskobrehan ang usa ka lalaki nga naghigda sa dalan kaganihang alas singko sa kadlawon sa Verjaya, Brgy. Camaman-an ning ciudad
Biktima 51 anyos giila’ng si Danielo Teves.
Matud ni Bernadita Teves, inahan sa biktima nga sukad pag-uli sa iyang anak gikan sa trabaho kanunay kining hubog kauban ang mga higala.
Sige na usab kinig panamilit kaniya.
“..mga one week after man tingali gikan siya sa trabaho niuli, paguli niya kada hapon mahubog sige lang siya’g kahubog sige siya’g goodbye. Ingon siya ‘Ma ayaw pagkabalaka pag mamatay ko’ ingon ko ngano man ‘Matay lagi ko ma’ hag-as kamatay mauna pa ko masakiton ko. Kani 3 days after palang sige na gyud siya’g kahubog, buntag udto hapon, unya gahapon kuno wala ko kabalo kay sige rako’g higda, nag inom na pod kuno wala ko kahibalo nga dinhi diay natulog mga alas kwatro pa, ingon ko pangita-a to asa to inyong uyuan dinha nakita nga naghigda gabii raman diay siya diha inday-inday man ang ulan mabasa gyud siya nagduda ko ani niya tungod sa katugnaw katun-og…”
Bernadita Teves, inahan ni Danielo Teves
SOURCE: SH&V
Photo: Strong Radio 90.3 FM
