Usa patay ug 11 samaran sa mibalintong nga pick-up sa Brgy. Tignapoloan!

DEAD on arrival ang usa ka babaye ug 11 samaran sa natigayong disgrasya sa Brgy. Tignapoloan ning ciudad.!
Human mibalintong ang gisakyan niining pick-up nga gimaneho ni Emmanuel Yatar taga Malate, Metro Manila .
Giila ang namatay nga 30 anyos nga si Geraldine Hulyada, menyo ug residente sa Sinay, Laguindingan Misamis Oriental.
Base sa initial nga imbestigasyon nga nakisakay lamang ang walo ka biktima sa pick-up nga una nang dunay sakay nga upat gikan nangaligo sa usa ka falls sa Brgy. Tignapoloan tungod wala makatungas ang ilang gisakyang multicab.
Gikabutyag nga samtang patungas na ang pick up, gilikayan niini ang motorsiklo nga nangawat og dalan hinungdan nga na-short kini sa pagkabig sa manobela ug na-out of balance nga miresulta sa pagkalagpot sa walo (8) nga nagsakay sa likod nga bahin sa hilux.
Nakaangkon sa nagkadaiyang injury ang tanang sakay niini.
Matud ni Police Station 8 Lumbia Traffic Investigator Police Chief Master Sergeant Norberto Libres nga dili kusog ang pagpadagan sa drayber tungod patungas kini apan nakainom sa alcohol.

“..dili man siguro kusog ang dagan kay tungason man so hinay ra gyud siguro pag-break lang guro nila didto nahitabo na out balance ang sakyanan. Ang mga biktima na nga labay ang sa likod, usa sa biktima nalabay naigo sa bato maoy usa ka hinungdan sa dinali-daling kamatayon. Kani daw sila gikan sa ga-birthday man maong ni-adtog Sinulom lipay-lipay nahitabo ang disgrasya..”
Police Station 8 Lumbia Traffic Investigator Police Chief Master Sergeant Norberto Libres

Photo: Strong Radio 90.3 FM Kusgan
Published by: Jam Cutamora Saba