Kung adunay mga panghitabo nga dili bout mahitabo sa mga ginikanan mao kini ang magkasakit ang ilang anak!

KUNG adunay mga panghitabo nga dili bout mahitabo sa mga ginikanan mao kini ang magkasakit ang ilang anak!
Tungod dobleng sakit ug kabalaka ang ilang mabati.
Apan adunay mga panghitabo nga dili malikayan.
Sama na lamang kung hilantan.
Kasagaran sa mga bata ilabi na kung maghilanat adunay posibilidad nga mag-convulsions kini.
Ang convulsions mahitabo kung ang muscles sa usa ka indibidwal dili makontrol ug mamahimo kining moluntad pipila ka segundo o minutos.
Adunay nagkalain-laing convulsions ug kung ang bata makasinati niini samtang gihilantan gitawag kini nga febrile seizure.
Base sa pagtuon nga moabot sa 20 ka bata ang makasinati og febrile seizure ug sagad kining mahitabo sa edad nga unom ka bulan ug tulo ka tuig.
Atol sa febrile seizure, ang lawas sa bata mogahi, mawad-an kini og panimuot ug magkurog-kurog ang ilang bukton ug bitiis.
Apan kung makasinati og febrile seizure sunda lamang ang mga mosunod.
Ibutang kini sa recovery posisyon pasabot ihigda kini patakilid sa usa ka humok nga surface aron dili niini matulon ang bisan unsang suka ug ipabiling bukas ang ilang airway aron malikayan ang injury.
Ayaw bya-e ang imong anak ug magtake note kung unsa ka taas milungtad ang seizure.
Kung moluntad sa more than five minutes ang pag-seizure kinahanglang dal-on na kini sa pinaka-duol nga hospital.
Ayaw pagbutang og bisan unsang medication o tambal sa ilang baba atol sa seizure tungod adunay posibilidad nga makiitan niini ang ilang dila.

Photo : madreshoy.com
Published by Jen Demonteverde