Kuliti epekto sa pag-pamuso?

SAGAD masaypan ang “KULITI” nga epekto sa pag-pamuso!
Apan, sigun sa mga eksperto, dili kini tinuod.
Ang kuliti, usa ka sakit ug pula nga impeksyon sa talukap sa mata.
Kung lantawon, susama kini sa tagyawat o pigsa.
Lakip sa mga rason nganong magka-kuliti ang usa ka tawo, mao ang: pagsulod sa mikrobyo sa mata pinaagi sa pagtangtang sa piluka, paggamit og daan o expired nga make-up.
Wala pag-tangtang og make-up matag gabii ug paghawid sa mata gamit ang hugaw nga kamot.
Sagad sa maka-angkon og kuliti mga kababayen-an.
Molungtad lamang kini og usa ka semana, apan aduna usab mas daling pamaagi aron mawala kini.
Butangan og hot compress ang kuliti ug patakan og antibiotic drops ang mata.

Photo : The Eye News
Published by Jam Cutamora Saba