Konseho sa Barangay Puerto, kinasing-kasing nga paghangyo sa katawhan sa dakbayan ang gipaninguha!
Kinasing-kasing nga paghangyo sa katawhan sa dakbayan ang gipaninguha sa residente sa Barangay Puerto nga apektado sa sunog!
Human lamya sa kalayo gahapong adlawa ang kapin kon kulang 20 ka panimalay boundary sa Purok 3 ug Purok 4.
Matud ni Brgy. Puerto Kagawad Lolita Wahing nga nagkinahanglan kini sa tabang sa kagay-anon tungod sa sunod-sunod nga kalamidad ang nasinatian sa constituents niini.
“..subo kaayo nga dako-dako napod sunog dinhi sa among barangay, bag-o pang nahuman sa purok 5 sunod nabahaan na sad mi sunod na kuan nasad among kabaybayonan karon ubay-ubay na sad panimalay ang nasunog..”
Brgy. Puerto Kagawad Lolita Wahing
Samtang gimandoan na sab ni Brgy. Puerto Kapitan Josephine Dua ang ginsakupan sa Barangay nga atimanon ang kaon sa epektadong residente kinsang gipahimutang temporaryo sa Barangay Covered Court.
“..karon ako ni silang manduan ipa-adto sa atong covered court so ang amo lang una ani kato sa gyung pag-atiman ani nila..”
Brgy. Puerto Kapitan Josephine Dua
Dumduman nga naglisud og penetrate sa area ang kabomberohan nga mao’y usa sa rason nga nadugayan kini sa pagbomba sa tubig ngadto sa panimalay.
Photo : Kusgan Eva Agua
Published by Jam Cutamora Saba
