Kapig 5,000 ka indibidwal nabaligyaan og ticket aron malakip sa giingong cash assistance ni PBBM!
KAPIG 5,000 ka indibidwal ang nabaligyaan sa giingong ticket nga nagkantidad ngadto sa 50 pesos!
Base sa pakighinabi sa mga biktima nga gipasaligan sila sa coordinator sa maong event nga moabot si President Ferdinand “Bongbong” Marcos Jr., Senador Imee Marcos ug Vice President Sara Duterte sa Pelaez Sports Center aron manghatag og cash assistance.
Ug aron makasulod ug malakip sila, kinahanglan lamang nilang magpalit og ticket.
Apan ila na lamang gikakurat nga gibalibaran silang dili maka-abot ang Presidente.
Midepensa usab ang mga responsable nga wala sila nagpasalig nga moabot si PBBM.
Matud ni 12 Star Sunflower Credit Cooperative Board Member Felipe Canoy usa sa gitudlong responsable nga oath taking sa kooperatiba ang ilang katuyuan alayon na sa mando sa Presidente sa Cooperative.
Nag-solicit sila sa Governor, Congressman ug nag-request sa kapulisan ug gihatagan na sila og schedule.
Nagbayad na usab sila og 70,000 pesos sa Sports Center aron sa abang.
Tungod wala pa sila’y salapi ilabi na nga bag-o pa lamang ang kooperatiba nag-isyu sila og ticket alang sa katawhan nga bout maminaw sa ilang programa.
“..Ang among kooperatiba, kani among presidente mismo sa 12 Star nga gikan sa manila nga pag ari mag Oath Taking sa Cooperative, karon siya mismo nagpatawag nga mag oath taking ta mga officer sa credit Cooperative with big aim nga mo ari, mao ng istorya, karon sistema ani nangayo nami og solution sa Governor, Congressman Bambi, Klarex Uy , receive na na og sa pulis nag request na mi nga event sa Oath Taking, ang amo ani naa na tanan ang gi received nila , gipabayad mi sa sport center og 70,000, karon ang nahitabo, wala man mi kwarta nga cooperative kay mao pa to’y pagsugod sa Oath Taking, gibuhat namo nga makalingkod pud ang mga tao, maminaw sa programa, nag isyu mi og ticket nga tag 50 pesos, ang 30 pesos mao ni gibayad namo sa printing ang 20 pesos mao nay gi abang namo og bangko..”
12 Star Sunflower Credit Cooperative Board Member Felipe Canoy
SOURCE: FLASH REPORT
Photo : Strong Radio 90.3 FM Kusgan
Published by Jen Demonteverde
