Inahan patay, anak kritikal sa panagbangga tali motorsiklo ug sports car sa Mastersons Avenue ning ciudad kaganihang buntag!
PATAY ang usa ka inahan, samtang kritikal ang anak niini human ang panag-bangga tali sa gisakyan’g motorsiklo ug sports car sa Mastersons Avenue ning ciudad kaganihang kadlawon!
Biktima 45 anyos giila’ng si Analie Mabaylo, residente sa Zone-1 Upper Balulang ning ciudad.
Matud ni Traffic Investigator Police Corporal Maximo Judaya nga base sa report padulong mangopra sa Cogon market ang mga biktima dihang mibangga sa sports car nga padulong sa uptown area.
Pamahayag sa driver sa sports car nga si Dereck Louie Neri Angodong, aduna kini’y gilikayan nga sakyanan hinungdan nga mi-bangga sa motorsiklo sa mga biktima.
“…ang dagan sa maong sakyanan, kay gale sports car man gud ni siya so I would presume kusog gyud ang dagan sa mga sports car kay dili mani tawagon og sports car ug dili ni sila kusog mo dagan mao to nga didto gyud siya ming adto sa pikas lane unya nakita pud nato nga wala gyu’y mga markings nga naka hunong siya or naka menor before sa bangga nga nahitabo, siguro na bulaga siya kay kini sakahon man at the same time kurbada pa gyud unya kilom-kilom pa siguro ning alas singko (5) pasado kapin ug mao to siguro wa gyud niya damha nga naa diay motorsiklo nga nag subay panaog sa maong dalan so nabanggaan gyud niya, una sa tanan noh nangayo gyud siyag pasaylo didto sa tagtungod sa mga igsoon sa maong namatay and willing man pud siya mo sagot kung unsa man gale ang i-demand sa mga igsoon sa namatay…”
Traffic Investigator Police Corporal Maximo Judaya
Samtang, posibleng dili na magpasaka’g kaso ang kabanay sa biktima tungod misaad ang suspect nga tubagon ang tanan’g galastuhon, gawas pa nga mabalda usab ang ilang inadlaw-adlaw nga bulohaton kung kasuhon ang insidente.
“…kung kasohan bayad ra gyud gihapon ang padulngan daw, imbes ga kuan pami sa patay nga lawas mo sukol pami ana, total ni surrender man gyud ang naka dasmag, manghinaot lang pud ko kay kaning akong pag umangkon ga duha-duha pa pud kay nakigbugho pa sa iyang kamatayon, dili mana mawala kay kinabuhi baya ang nawala sa among igsoon, dili mana mawala pero amo nalang pugngan nga dili mahitabo aron ma settle tanan…”
Joseph Mabaylo, igsuon sa namatay’ng si Analie Mabaylo
Kasong Reckless Imprudence Resulting to Homicide, Serious Physical Injuries ug Damage to Property ang ipasaka batok suspect kung ihinayon sa pamilya ang pagsang-at og kaso.
Photo : Strong Radio 90.3 FM Kusgan
Published by John Ford Butanas
