Grade-12 student sa Talakag, Bukidnon, gipusil!
GIPUSIL ang usa ka Grade 12 student sa Santa Victoria, Brgy. San Rafael, Talakag Bukidnon karung hapon!
Biktima 35 anyos giila’ng si Jonathan Smith.
Matud ni Talakag Municipal Police Station Personnel Police Staff Master Sgt. Benjamin Banting nga gi-atngan og duha ka suspect ang biktima sa nahisgutang lugar ug didto gipusil.
Naka-angkon kini’g samad-pinusilan sa likod nga bahin.
Duha ka mga suspect ang positibo’ng gitudlo sa biktima.
“..biktima usa ka Jonathan Smith, 35 years old, grade 12 ni siya studyante sa Tikalaan National High School diin kini siya while sakay sa iyang motor pagabot niya dapit sa Sitio Santa Victoria sa Brgy. San Rafael kalit kini siya niluthang sa usa ka tao nga iya nakita. Duha ang iyang nakita pero ang usa lang ang niluthang niini murag gihulatan lang siya didto dapita. Mailhan sa maong biktima kung kinsa mao tong mga tawhana. Anaa siya karon sa balay tambalanan diha sa Provincial Hospital sa Cagayan de Oro. Ang duha ka suspetsado nga gitumbok sa maong biktima boluntaryo nga ilang mga kaugalingon sa atong buhatan sa police station. Matud sa duha mi-boluntaryo sila’g anhi diri kay ilang gi-clear ilang ngalan nga dili sila maoy naghimo. Ang duha ka suspetsado gidala sa among investigator diha sa crime laboratory sa PNP diha sa Cagayan. Positibo man gyud sila nga gitudlo sa maong biktima nga sila gyud daw. Sumala sa investigator on case nga stable na biktima..”
Talakag Municipal Police Station Personnel Police Staff Master Sgt. Benjamin Banting
SOURCE: SBPSH
Photo : Jonatd Tudlo-an
Published by Jam Cutamora Saba
