Drayber sa bus nga gi-ambakan-patay sa usa ka babaye, mag-atubang sa kasong Reckless Imprudence Resulting to Homicide!
MAG-ATUBANG sa kasong Reckless Imprudence Resulting to Homicide ang drayber sa bus nga gi-ambakan-patay sa usa ka babaye sa Villanueva Misamis Oriental!
Giila ang namatay nga si Esmeralda Calunsag 35-anyos ug residente sa Gingoog City.
Sa initial nga imbestigasyon base sa statement sa driver nga mihangyo ang biktimang makalibre og sakay padulong sa ilang lugar tungod wala kini ikaplete kauban ang upat ka anak nga menor de edad.
Apan sa wala mapihong rason kalit lamang miambak ang biktima kauban ang 1-year old niining anak hinungdan nga naipit kini sa pwertahan rason nga nag-full break ang drabyer nga miresulta sa iyang pagkalagpot sa dalan.
Gikabutyag nga nadala pa sa hospital ang biktima apan pipila ka minuto namatay kini.
Naka-angkon sa minor injuries ang anak niini.
Matud ni Villanueva Municipal Police Station Traffic Investigator Police Staff Sergeant Greg Joe Gucor nga subay sa statement sa drayber adunay lawom nga problema ang biktima.
“.. kaning babae mihangyo na nga makalibre sakay sa bus kay mo uli sa Gingoog unya naghilaka na lage daw didto so naluoy sila gipasakay nila, og upat ka mga anak nga puro babae. Pag abot nila sa Villanueva nag load og unload og pasahero pagdagan karon sa bus, nituplok dayun ang driver sa button para mo close ang door, wala sila kabantay apil ang mga pasayro nakurat nga kalit lang siya og ambak og naipit siya sa pertahan mura siyag nasangit then lupad dayun diretso sa kalsada
dayun pag syaget sa mga pasahero apil ang conduktor. Nag full break diretso ang driver, pag full break sa driver, wala na, natagak na ang biktima together sa iyahang anak nga 1 year old nga iyang gikugos. Matud pa sa statement sa driver murag naay problema kay didto pa lang sa bus
naghilaka naman daan so murag naa gyu’y iyang lahom nga problema unya iyang mga anak di sad katubag kay lage mga menor de edad pa kaayo wa pa kasabot ba, naa pud posibilidad nga kaning gina tawag bitaw nga postpartum..”
Villanueva Municipal Police Station Traffic Investigator Police Staff Seargeant Greg Joe Gucor
Gidugang pa niining susamang plano sa Inahan nga byaan niini ang iyang tulo ka anak sa bus.
“.. Ang tulo ka bata nga mga minor, nagpabilin sa bus, murag biyaan bitaw niya ang tulo kay siya ray munaog..”
Villanueva Municipal Police Station Traffic Investigator Police Staff Seargeant Greg Joe Gucor
Photo : Villanueva MPS
Published by Jen Demonteverde
