Cristy Fermin, midepensa sa huhungihong bulag na ang KathNiel!; Samtang sikat nga miyembro sa APO Hiking Society Danny Javier, mipanaw na!
Wala’y kamatooran alang kang Cristy Fermin ang huhungihong bulag na ang KathNiel!
Kini ang giklaro sa showbiz columnist nunot sa trending nga isyu sa mag love team.
Matud ni Cristy nga usa ka “Fake News” ang nagkatag nga balita nga bulag na ang celebrity couple nga sila Daniel Padilla ug Kathryn Bernardo.
Gidugang pa sa veteran columnist nga bukas lamang ang mag love team sa opurtunidad sa tagsa-tagsa niini ka karera.
Una nang gitin-aw ni Kathryn nga nasabutan na nila ni Daniel ang pag explore sa laing role isip actor ug actress.
Samtang mipanaw na sa edad nga 75-anyos ang sikat nga APO Hiking Society member Danny Javier!
Kini human gikumpirmar sa anak niini nga si Justine.
Sa pagka-karon wala pa’y dugang detalye nga gihatag sa kabanay kalabot sa kamatayon sa singer.
Photo : KAMI
Published by Jam Cutamora Saba
