Archdiocese of Cagayan de Oro Archbishop Jose Cabantan, nanghinaut nga mabalik ang na-andang kahulogan sa Halloween!

LARAW ni Archdiocese of Cagayan de Oro Archbishop Jose Cabantan nga mabalik ang na-andan nga kahulugan sa pagsaulog sa Santos ug Kalag!
Alayon na sa nagkalain-laing pamaagi sa mga katawhan sa pagsaulog sa Halloween.
Sama na lamang sa pagsul-ob sa mga mangil-ad nga mascara , o pag-portray sa mga animated characters, super hero ug uban pa.
Matud ni Archbishop Cabantan nga nanghinaut kini sa umaabot nga henerasyon nga mausab ang ilang panglantaw sa kasaulogan sa Halloween inay magsul-ob og mga horror customes , magsuot na lamang kini og puting bestida atubangan sa Ginoo samtang nag-ampo.

“..ibalik nato ang atong na andan nga pagsaulog sa mga adlaw sa mga santos kay kasagaran nakuha man nato na sa sine nga mangil-ad nga mga nawng, mga horror so mao ng pagsabot sa halloween sa pulong nga hallow means holy o santos. Kana atong ibalik nga kultura nga mapuy-an sa mga kultura nga dili kini kasaulogan sa mga horror ug mga nawng kay dili mana kasampotanan sa atong kinabuhi sumala sa nabasa sa ebanghelyo mga pagbasa sa balaang kasulatan. Dili hadlok nga talan-awon kundi mahimaya-on nga talan-awon nga atong tan-awon sa atong kinabuhi samtang niapa kita niining kalibutan..”
Archdiocese of Cagayan de Oro Archbishop Jose Cabantan

Photo : Sassy Mama Singapore
Published by Jam Cutamora Saba