Tres milyones pesos nakuha sa upat ka tulisan gikan sa security guard sa usa ka remittance center sa Maramag Bukidnon kagahapon!
THREE million pesos ang nakuha sa upat ka tulisan gikan sa security guard sa Cebuana Lhuillier Maramag Branch kagahapon!
Patay sa insidente ang 38 anyos, minyo giila nga si Pedro Talaid Gamino Jr. residente sa Salawagan, Quezon Bukidnon.
Matud ni Maramag Municipal Police Station OIC Police Lt. Col. Julius Clark Presco Macariola IV nga gi-atngan sa dalan ang biktima kauban ang liaison officer sa nahisgutang remittance center.
Gidugang pa ni Macariola nga gi-kustodiya nila ang liaison officer nga naluwas sa insidente alang sa dugang imbestigasyon.
“..incident kagahapon sa Maramag Bukidnon usa ka robbery with homicide then kining empleyado sa Cebuana Lhuillier gi harangan daw sila og duha ka motor unya ang isa ani naay dala nga pusil by which pag hunong nila gipusil 33/4 ang kaning angkas nga usa ka security guard escort aning driver nga usa ka liaison officer sa Cebuana Lhuillier dayun gikuha ang bag nga naay sulod nga dakong kantidad nga kwarta nga dala sa liaison officer after pagbuto gipangayo ang bag didto sa position sa liaison officer and then nisibat na sila..”
Maramag Municipal Police Station OIC Police Lt. Col. Julius Clark Presco Macariola IV
Photo : 105.7 Brigada Valencia City
Published by Jam Cutamora Saba
