Satellite sa JRBGH sa Brgy. Tablon buksan sa dili madugay!
Buksan na sa dili madugay ang satellite hospital sa JRBGH kon City Hospital nga gipahimutang sa Brgy. Tablon ning ciudad!
Gikabutyag nga gama’y na lang ang kulang aron mahuman kini.
Matud ni Mayor Rolando Uy nga ghatagan niini og katungod si Kapitan Billy Kid Auza sa pagpangita sa buot motrabaho sa hospital.
“..sa dili madugay ang atong satellite hospital diri sa Tablon pagablihan na kay naabri naman ang satellite hospital sa Lumbia aduna na la’y gamay’ng kulang kana na lang ang dalan nga paga-agihan sa maong hospital. Ihatag usab nako ang katungod kay Kapitan Auza sa pagpangita sa mga tao nga gusto manarbaho sa maong tambalanan. Gusto ko nga magtingabangay kita maghi-usa kita sa pagtinabangay kay pareha kita katungdanan mao lamang ang pag-serbisyo ug pag-alagad sa mga katawhan..”
Mayor Rolando Uy
Nagpasalamat usab si Kapitan Auza nga gipadayon kini nga proyekto ni Mayor Uy.
“..nasayod ta adunay daghan pa nga mga programa nga ana diri ibu-bo sa atong barangay sa inyong nakita naa ang Tablon hospital satellite hospital sa atong JRB. Salamat kaayo kay nakita nako nga ipadayon ni Mayor Klarex hapit na gyud gamay na lang ang problema para ma-open na nato ang Tablon hospital. Sa atong mga eskwelahan adunay dugang nga classroom development pa sa atong tagsa-tagsa nga purok tagsa-tagsa nga structure program ug social services nga program..”
Brgy. Tablon Kapitan Billy Kid Auza
Photo : Rolando A. UY
Published by Jam Cutamora Saba
