Napatay sa pagbusikad sa NGCP tower sa Lanao Del Norte, gitoohang responsable sa pagpamomba!
Gikumpirmar sa Kauswagan MPS nga sakop sa responsableng grupo ang napatay sa pagpamomba sa NGCP tower sa Sitio San Isidro, Barangay Bagombayan!
Kini human nakitaan sa ubang ebidensiya ang patay’ng lawas sulod mismo sa crime scene atol sa padayong pag-imbestiga.
Matud ni Kauswagan MPS, Lanao del Norte Chief of Police Major Ezekiel Arcayena nga gitoohan niining nasipyat sa paghimo sa maong pagpamomba ang suspek nga padayong gi-imbestigahan sa SITG tungod sa nanga-angkong samad sa kalawasan.
“..unay gyud ni siya sa among nakita sa iyang patay nga lawas mga samad niya. Base sa among nakita posibleng naa pa ni siya’y laing kauban. Nadugmok gyud ang iyang right side, natabas-tabas siya tungod sa explosion ang left side niya mao gyapun nanga si-si siya ug naay splinter gamay sa iyang nawong ug iyang lawas posible cause ni siya naa guroy sipyat sa ilang pagpa-explode ato gi-tawag nila nga prematured explosion..”
Kauswagan MPS, Lanao del Norte Chief of Police Major Ezekiel Arcayena
Photo : Global Daily Mirror
Published by Jam Cutamora Saba
