Driver sa courier truck nga mibiyahe padulong Iligan City, patay human mibangga sa wing van!

DEAD-ON-ARRIVAL sa hospital ang usa ka driver sa courier truck sa Purok 7, Burnai Gitagum Misamis Oriental karung buntag!
Human mibangga sa usa ka wing van.
Giila ang biktima nga si Jelan Mabaylan, residente sa Purok 3 Naawan, Misamis Oriental.
Samtang ang driver sa wing van mao si Jowel Tahuyan.
Matud ni Gitagum Municipal Police Station Chief of Police Police Major Dennis Cerilla nga sa ilang inisyal nga imbestigasyon nakatulog ang driver sa courier truck ug mikawat sa dalan sa wing van nga miresulta sa panag-bangga.
Tungod sa kakusog, mibangga pa sa laing establishment ang courier truck hinungdan sa kamatayon sa driver.
Gidugang pa ni Major Cerilla nga nabulag na sa sakyanan ang lawas sa biktima atol sa ilang pag-responde.
Samtang, padayon pang nagpa-alim sa hospital ang driver sa wingvan.

“..gikawat siya sa dalan sa wing van maoy hinungdan nga nagtabo sila. Siguro nakamata ni bangga na sila kay nabulag ang driver sa flexi truck nahulog na siya expeculation lang ni siya murag nakatulog ning nakabsan sa kinabuhi maoy hinungdan nagbangga sila. Mahitabo ani tungod namatay man ang driver sa Flexo truck posible atong i submitar ang kaso kung dili sila mag areglo i-refer na to ang kaso sa office pasakaan og kasong reckless imprudence resulting in homicide..”
Gitagum Municipal Police Station Chief of Police Police Major Dennis Cerilla

Photo : Kagawad Larry Lagbas
Published by Jam Cutamora Saba