COMELEC padayon ang pagpangandam taliwala sa pagpirma sa Presidente sa postponement sa Barangay ug SK Elections!
IPADAYON gihapon sa COMELEC ang ilang pagpangandam!
Taliwala pa man nga official nang gipirmahan ni President Ferdinand “Bongbong” Marcos Jr. ang balaod sa pag-postpone sa Barangay ug SK Eleksyon 2022.
Matud ni COMELEC Chair George Erwin Garcia nga tumanon nila ang balaod apan magpadayon sila sa ilang preparasyon sa voters registration.
Aron masiguro ang dakong partisipasyon sa katawhan sa pili-ay.
Hinuon ubos sa postponement gitugutan ang COMELEC nga makapadayon sa ilang preparasyon sa poll.
Dumduman nga ubos sa Republic Act 11935 nga gipermahan ni President Marcos niadtong lunes, ang Barangay ug SK elections ipahigayon sa katapusang lunes sa October 2023 ug sa mosunod nga matag tulo ka tuig.
Ang term of office sa elected Barangay ug SK officials sa 2023 magsugod udto sa November 30, 2023.
Photo : Inquirer
Published by Jam Cutamora Saba
