Babaye, napalgang patay ug wala nay panit sa ilong sa Brgy. Pagatpat ning ciudad, kabanay nagtuo nga gibalbal ang biktima!
NAPALGANG patay ug wala nay panit sa ilong ug wala nga bahin sa kumagko ang usa ka babaye sa Block 9, House 28, Phase1 Relocation Site, Brgy. Pagatpat ning ciudad karung buntag!
Biktima 25 anyos giila nga si Nikkie Jamodiong, residente sa lugar.
Matud ni Aljem Jamodiong, uyoan sa biktima nga maayo pa ang kahimtang sa biktima kagahapong adlawa ug nakurat na lamang kini sa nahitabo karung buntag.
Nagtuo kini nga gibalbal ang biktima tungod walay bisan gamay’ng lama sa dugo.
“..adto sa hapon ako pa man na gihatdan og sud-an may paman na pagka ganihang buntag mga alas syete guro gihatdan nako para pamahaw. Gituktok pa nako ang pirtahan pag abri nako sa purtahan dugay dugay pa to pag-dungo nako naa man akong pag-umangkon nag takilid naunsa man nga nawala naman ang ilong ni Nikkie unya naay samad sa kamot wala pa nako nakita ang abaga nga samad. Sa ako lang, naa man gyud ta ana saunang panahon naa man gyud ng gitawag natong balbal nag tuo gyud ko nga naa na.sa ako lang maklaro man nga naay mga ing ana kay akong mama mismo na istorya ma ng balbal..”
Aljay Jamodiong, uyoan sa biktima
Samtang, sa initial nga imbestigasyon sa Pagatpat-BDRRMO, posibleng binuhat sa manana pagaka-samad sa panit sa biktima.
“..dili kaayo lalom kay na panit man sa thumb. Kana duda ko mananap ra na sila wala sad siya nanimaho wala sad namo hikapa iyang lawas kung gahi ba ni siya o dili..”
Pagatpat-BDRRMO personnel Moses Pornsbe
Photo : Strong Radio 90.3 FM Kusgan
Published by Jam Cutamora Saba
