61 anyos nga mag-uuma sa Talisayan, Misamis Oriental, giputlan og ulo kagabii!
Samtang, lalaki nga giingong missing sa pagbaha sa Tagoloan, Misamis Oriental niadtong Dominggo, napalgang patay karung buntag!
GIPUTLAN og ulo ang 61 anyos nga mag-uuma sa Purok 4, Brgy. Calamcam, Talisayan, Misamis Oriental kagabii!
Biktima giilang si Paterno Talines, residente sa maong lugar.
Samtang, ang suspek gitumbok nga si Junjun Casiño, 34 anyos, silingan sa biktima.
Matud ni Talisayan Municipal Police Station Chief Police Major Arnold Gaabucayan nga nag-inom ang biktima ug suspect kagabii ug nagkalalis nga miresulta sa insidente.
Gipadayon pa ang hot pursuit operation aron masikop ang responsable.
“..Paterno Talines 61 ang panuigon minyo ug taga Barangay Calamcam, suspetsado pod niini iya ra pong silingan si Junjun Casiño 34 anyos ang panuigon minyo gihapon. Ang kaning duha naguban ni’g inom kagabii samtang naginom nagkalalis og sa paguli nila nagpadayon japon og lalis maong niabot sa kamatayon sa atong biktima..”
Talisayan Municipal Police Station Chief Police Major Arnold Gaabucayan
Photo : Kidlat News
Published by Jam Cutamora Saba
