Ika-50 anibersaryo sa Martial Law sa Pilipinas!
KARUN’G adlawa ang ika-50 nga anibersaryo sa Martial Law sa Pilipinas!
Human gipaubos ni kanhi President Ferdinand Marcos ang nasud pinaagi sa proclamation no. 1081 kon Proclaiming a State of Martial Law in the Philippines.
Gipirmahan kini sa kanhing Presidente niadtong Sityembre 21, 1972 ug gipatuman niadtong September 23 sa susamang tuig.
Rason sa deklarasyon sa Martial Law ang pagsugpo sa mga komunista nga nagtinguha sa pagtake-over sa nasud.
Ilabi na sa sunod-sunod nga pagpamomba ug ang pagsulay sa pagpatay kang Defense Minister Juan Ponce Enrile sa Mandaluyong.
Maayo ang pagdawat sa katawhan sa palisiya sa martial law apan sa nanglabay’ng panahon napamatud-an kining unpopular tungod sa pag-abuso sa mga militar sa tawhanong katungod.
Sama sa paggamit og torture sa intelligence gathering ug forced disappearances.
Tungod usab sa pagka-corrupt sa pamilyang Marcos kauban ang ilang kaalyado, nahagba ang ekonomiya.
Daghan ang nag-protesta ug mi-resulta kini sa 1986 People Power Revolution hinungdan sa pagkalagpot ni Marcos sa katungdanan ug gipalagpot sa Hawaii.
Published by Jam Cutamora Saba
