Habal-habal driver, patay human giluba!

Dead on Arrival ang habal-habal driver nga giluba sa dalan Hayes Street ning ciudad!
Naila ang biktima nga si Rolando Kamanse, 37-anyos, adunay kaipon ug molupyo sa Bolunsori, Camaman-an.
Matud ni Police Station 2 Cogon Deputy Commander PLt. Lowell Amor Estampa nga una nang nagsinumbagay ang suspek ug biktima sa alley-hanan sa Capt. Vicente Roa Street ug subling nagsinumbagay sa dalan Hayes St. human gi-atangan sa suspek ang biktima gikan naghatud og pasahero.

“..naay nanawag dinhi around 8:45 nagreport nga naa daw gidunggab diri sa may Hayes street so diha diha nato gi respondehan pag-abot didto sa area naay nakita didto nga gakulob nga tao naa iya dugo. Ang biktima si Roland Kamanse “yanki” Laurenti 30 years old taga Verjaya, Camaman-an. Among pag investigate didto sa area dinhi pa lang kaning ang suspect ug ang biktima pareho nga habal-habal driver so dinhi pa lang sa allehanan sa Cap. Vicento Roa JR Borja adunay na silay panagbingkil tungod lang sa usa ka pasahero mao kana ang gisulti sa mga witness so nagsumbagay sila tapos kani ang suspect nilakaw paglakaw sa suspect ang biktima nagpadayon og pamasahero naa siya gyapon pasahero sa Macasandig ang kani dayung suspect nag-atang didto sa may Hayes street dinhi sa may old nga Hall of Justice gi-atangan niya kabalo siya nga didto muagi’g balik ang kaning biktima didto iyang gi-para ug nagsinumbagay nasad sila while nagsinumbagay naa nay gibunot nga hinagiban mao to iyang gi-duslak sa suspect..”
Police Station 2 Cogon Deputy Commander PLt. Lowell Amor Estampa

Gitinguha pa unta sa masulob-ong magulang sa suspek nga si Jolando Kamanse ang paghusay kanila sa Cogon Police Station human nagpakitabang ang igsoon prior pa kini naluba-an.

“..panawagan nako grabe sad nimo gamay rag diperensiya imo man gi-dapo hinuon nga madala rama na’g istorya unta kutlo-on nimo kinabuhi sa tao dili ka mag-ing ana unta mga amego raman ta amego sad ta dawbi sa imo kung buhaton to nako unsa say imong bation pod sa imong katagtungod sa imong pamilya. Kung gusto ka makighusay ipaagi nato’g balaod..”
Ang magulang sa suspek nga si Jolando Kamanse

Samtang nakurat na lamang sa kamatayon sa biktima ang kapuyo niini nga si Dona Belle Balmes kinsang nagsabak sa umaabot anak sa biktima.

“..basta kato ra iyang gi-istorya nga naa siya’s nakalalis nangilog daw og alley. Ang akong anak di pani isilang pero nawad-an na og amahan..”
Dona Belle Balmes kinsang nagsabak sa umaabot anak sa biktima

Published by Jam Saba