Damyos sa natigayon’g sunog sa Brgy.35 mikabat sa kapig one million pesos!
MIKABAT sa one million seven hundred fourty one thousand pesos (1,741,000) ang kinatibuk-ang damyos sa natigayo’ng sunog sa Brgy.35 ning ciudad!
Diin kinse (15) ka mga panimalay ang nasunog.
Subay sa initial nga imbestigasyon nga nagsugod ang kalayo sa panimalay ni Renerio Sacabin.
Matud ni BFP Station 1 Cogon Investigator SFO2 Fabiano Ente nga sa pagkakaron nagpadayon pa ang ilang imbestigasyon sa hinungdan sa sunog.
“..bahin sa sunog ganina sa barangay 35 kato siya under investigation pa siya kay amo pang ipang interrogate mga residente mga owner maong di pa gyud kung unsa gyu’ng hinungdan sa pagkasunog. Naa na tay nakuha aha nga balay nagsugod didto ila Enerio Sacabin nag ingon siya pila total family dili pa nato siya ma-determine kay ato pa i-kuan sa barangay kay ang uban ana nag paabang mao ng atong sutaon didto. And damage nato mostly concrete ilang structure ug niabot 1,741,00..”
BFP Station 1 Cogon Investigator SFO2 Fabiano Ente
Samtang, gibutyag ni Leah Sacabin nga human sa iyang pagluto gisiguro niini nga mapalong ang baga sa kalayo apan dako na lamang ang iyang kakurat nga nasunog na ang ilang panimalay.
“..sa amo to gikan kay nagluto man ko pero gipalong na nako ang kalayo sa pag naug nako sa silong kay ako namang gilimpyohan ang kusina pagtan aw nako sa akong ig-agaw naghatud kog kan-on sa akong anak kay nadluto lagi ko unya nadugay-dugayan ko syempre napalong naman pagtan-aw sa akong ig-agaw amo naman diay’ng balay nasunog maong nakurat ko..”
Leah Sacabin
Sa karon, temporaryong gipahimutang ang mga biktima sa basketball court sa Brgy. 35 ning ciudad.
Published by Jam Cutamora Saba
