Daghan ang galisud og tulog

DAGHAN’G tawo ang naglisud sa pagtulog!
Apan base sa pagtu-on adunay kalabotan ang pamaagi sa suga sa pagkatulog.
Kung kini ba lights on or lights off.
Base sa pagtu-on nga mas makaayo ang matulog nga lights off.
Tungod kung ang usa ka indibidwal matulog nga on ang suga ma-apektohan ang Circadian rhythm niini o ang oras sa pagtulog ug pagmata.
Ang suga mao ang signal sa lawas aron mahimong alerto ug ang pagpalong sa suga ang sinyales sa lawas aron sa pagtulog.
Hinungdan nga ang usa ka indibidwal nga na-expose sa lights samtang matulog dili kini gilayon makatulog.
Apektado usab ang produksyon sa melatonin, ang melatonin ang usa sa hinungdan kung nganong magduka ang usa ka tawo.
Kung mo-ngitngit sinyales kini nga magpagawas na og melatonin ang lawas apan kung adunay ma-detect nga suga ang mga mata mapugngan niini ang produksyon sa melatonin hinungdan dili gilayon makatulog ang usa ka indibidwal.
Samtang, gawas usab niini ang pagka-exposed sa suga samtang matulog mamahimong makabaton og depressions ug uban pa’ng sakit.

Published by Jam Cutamora Saba