200-mil kapin kon kulang damyos sa sunog sa Brgy. Tablon ning ciudad karung buntag!

MOKABAT sa kapin kon kulang 200-mil ang damyos sa sunog sa Purok 13, Taboknay, Baloy Brgy. Tablon karung buntag!
Miabot og 3rd alarm ang sunog nga giingong nagsugod sa panimalay sa 72 anyos nga si Leogarda Bustelio.
Matud ni Fire Investigator Romeo Castro nga sa initial nga imbestigasyon 26 ka panimalay ang apketado ug padayon pang gi-imbestigaran ang hinungdan sa kalayo.

“..ang alarm ni-abot og 3rd alarm. Ang atong initial estimated damage 200,000 more or less cause of fire under investigation others 26 households. Ma consider gyud nato gikan sa pag responde gikan sa station especially karon ting eskwela man posible ma traffic kaayo mag lisod gyud ang firetruck og sulod makita man gyud nato diha ra taman..”
Fire Investigator Romeo Castro

Habal-habal driver nga miluba-patay sa isig ka habal-habal driver, mitahan sa kapolisan

MITAHAN sa kapolisan ang habal-habal driver nga miluba-patay sa isig-ka habal-habal driver niadtong Agusto 31 ning tuiga!
Suspek giilang si Jesus Delit, residente sa Manggahan, Brgy. Balulang ning ciudad.
Matud ni Police Station 2 Cogon Commander Police Major Julius Saluta nga ilang gi-adtoan sa balay ang suspek human mihatag impormasyon ang asawa niini.

“..ato siyang gi-adtuan sa ilang balay kita personal niadto sa ilang balay ug mikuha ug mi kostudiya kaniya kay ni-surrender man siya kay nanawag man ang iyang asawa sa ako. Mga semana nato ni siya gi kuan nga mo-surrender gyud pasalamat kita at least ni-surrender na siya karon. Ang atong hinungdan nag-imbistiga man gyud ta kato gyu’ng away nila before sa nahitabo nga pagpangdunggab nag sinumbagay sad ni sila sa ilang allehanan sa may rika. na file na namo ang kaso kadtong Miyerkules na file na and sumbong then nahinabi na naman namo ang piskal karon ingon man ang piskal nga ipadala sa ila right after this amo na ni siyang dad-on sa Hall of Justice amo man tong gibutang og murder slab dayun homicide..”
Police Station 2 Cogon Commander Police Major Julius Saluta

Matud sa suspek nga si Jesus Delit nga nasuko kini tungod daghang higayon nang giilogan og pasahero sa biktima.
Gidugang pa niini nga ang biktima ang mi-atang kaniya ug unang misulay pagdunggab, apan iyang nailog ang kutsilyo hinungdan nga nahitabo ang krimen.

“..kanang kadlawon mga alas dos baynte, ika-unom nato niyang dakit sa pasahero sa akoa niana ko ako ng pick upon ang duha gi adtoan gyud niya wala nako kasapon siya ray makakwarta siya ra mabuhi iyang pamilya ang pamilya pod mangita sad na sa akong kitaan pagka ugma adto pagka gabii hinay nako gi istoryaha sa iyaha ‘ayna utroha tung gibuhat nimo kagabhina’ pag lingi nako gisumbag nako diri sa akong kilay wala ko kabantay gi ulang sad mi sa mga kauban nako nga habal-habal nangita ko og lain nga allehanan ni alley ko sa divisoria naka pasahero ko og mga sakop 14 pagbalik nako nga mubalik kog cogon diri ko agi sa city health tingala man ko nga nag atang man siya didto didto na ang sumpaki namo sa dako dako nga away dagan siya kuha niya ang helmet gilabay sa ako niigo sa akoa nidagan siya naa siyay gikuot nga katong kutsilyo dunggab ko niya mao tong akong gidaut iyang kamot pag aksyon niyag inatrasa nilikay ko akong gidawat iyang kamot wala ko kabalo na taob ba to natingala man ko murag ningdulot sa iyang dughan pagdulot nisinggit dayun siya ayaw wala na nako utrohi ingon pako’g ayaw dagan wala nako mo-utro niyag hansak kay naa naman ang kutsilyo sa akoa mao tong nilakaw rapud ko abi ko ok ra siya kay nilakaw mana siya abot sa unahan natumba na siya..”
Tipik sa pamahayag sa suspek nga si Jesus Delit

Published by Jam Saba