15 anyos nga lalaki, patay human mabangga ang gisakyan’g bao-bao sa van!

PATAY ang 15 anyos nga lalaki human mibangga ang gisakyan’g bao-bao sa nakaparada’ng Hi-Ace van sa Zone 1 Mambatangan, Manolo Fortich, Bukidnon kaganihang kadlawon!
Ang namatay giilang si Rommy Jun Monteliano, residente sa Brgy. Bugo ning ciudad.
Ang driver sa bao-bao nga giingong misibat pagkahitabo sa insidente si Jeffrey Pacaña Baolo ug ang mga sakay mao silang Rommel Dungog ug Roldan Dungog.
Matud ni Traffic Unit Investigator Police Senior Master Sgt. Jose Ryan Sevilleno nga posibleng nagpakusog og dagan ang driver sa bao-bao aron dili masapon sa mga tag-iya sa truck nga giingong gikuhaan nila og batteries.
Gidugang pa niini nga ang biktima’ng si Monteliano naka-pwesto sa front seat sa bao-bao atol sa insidente hinungdan sa iyang kamatayon.
Kusog usab ang impact sa pagka-bangga tungod mi-abante pa ang van nga nabangga-an.

“..siguro kay aduna man sila’y karga nga murag kadudahan so dili jud sila pahinay ug dagan kay simba ko maabsan sila sa tagiya. Actually straight na flat na ang dalan diha lu-ag sa impact ug sa insidente then pagkatulak sa van ma-consider nato nga pirte gyung kusuga. Kining duha magpaabot pata kung kinsa ang complainant ani para sa ilang kaso wala ta kabalo kung kamulo pa ba or unsa ba gyud ka tinuod kung under investigation ba ni silang duha pero katung driver katung vehicle 2 makatubag kani sa kasong nga reckless imprudence resulting in physical injury then damage to property ang usa ka driver sa vehicle 1 mag-atubang gyapon sa kasi nga reckless imprudence resulting in homicide and damage in property..”
Traffic Unit Investigator Police Senior Master Sgt. Jose Ryan Sevilleno

Published by Jam Saba