Warriors, Lakers, Celtics, 76ers, mag-atbang sa opening sa 2022-2023 NBA season!
MAG-ATBANG sa opening sa 2022-2023 NBA season karung Oktobre 18 ang Golden State Warriors ug Los Angeles Lakers, Boston Celtics ug Philadelphia 76ers!
Matag team modula sa 82 regular-season games hangtud Abril 9 nga adunay play-in tournament sa dili pa ang Abril 15 nga pagsugod sa playoffs sa NBA Finals nga mahitabo pagka-Hunyo 1 sunod tuig.
Base sa schedule, atbangon usab sa Miami Heat ang San Antonio Spurs karung Disyembre 17 sa Mexico City ug Chicago Bulls batok Detroit Pistons sa Paris pagka-Enero 19.
Lima ka dula ang dulaon sa Christmas day sulod sa 15th consecutive year.
Aron ma-encourage ang fans nga mobotar, walay NBA games nga ipahigayon sa US election day, Nobyembre 8.
Samtang, motunol og 100-thousand pesos si San Miguel Beermen center June Mar Fajardo sa charity nga iyang napili human nakasulod sa finals dihang gipukan ang Meralco Bolts kagabii sa score nga 100-89.
Gitakda ang first game alang sa PBA Philippine Cup finals karung Dominggo, alas sais (6) sa gabii tali Beermen ug TNT Tropang Giga.
