Treasurer sa Brgy. Lapasan, nakabalik na human giingong na-missing!

Giklaro ni Brgy. Lapasan Treasurer Julieto Manulat Hidalgo nga wala kini na-missing ug wala kini gi-kidnapped!

Matud ni Treasurer Hidalgo nga pressure ang hinungdan sa iyang paglakaw tungod aduna’y tawo nga gapaningil og bayad sa pagputol sa balite nga kahoy nahimutang duol sa Covered Court sa Brgy. Lapasan.

“..ako lang ipaklaro na dili ko missing wala ko nag tago-tago ug wala pod ko gi-kidnap. Adtong Martes milakaw ko tungod sa pressure kay adunay naningil kanako nga maoy tao nga nagputol diha sa balite kay dugay na nga panahon sige ni siya’g balik-balik og paningil sa akoa then dili man sad ing ana kadali ang proseso sa pag bayad kay naa may proseso sa pag bayad ni ana. Sige siya’g balik so nasuko na nag-saad ko nga ani nga adlaw pwede ka makabalik dinhi sir. Ato nga semana na taymingan nga si Kapitan to-a sa Manila kay naay gi-apilan nga conference so ato nga time kung mobalik siya wala ko’y laing ka-sumbungan, ka-duolan nga maka-explain ato niya kay nasuko na siya sa akoa kay sige rako’g saad nga mabayaran sila pero wala pa gyapon mao to sa akong kaugalingong paghuna-huna mangita ko’g paagi nga kadto nga bayronon ako lang sang bayran then pag-abot ni Kapitan nga mao ni ang sitwasyon Kap ako lang sang giku-anan para dili na magbalik-balik sa akoa kay mahadlok ko kay nasuko naman gyud siya sa ako kay sige lang kog saad mao tong nilakaw ko ato nga adlaw niadto ko sa Agora nilakaw ko niadto ko sa Agusan kay huna-huna nako nga naa koy igsuon didto posible nga maka tabang ani nga problema kay ang bayronon sa ilaha kung dili ko masayup kay 40 kapin ang bayronon sa ilaha so mangita ko’g pamaagi sa didto then kung makakita nako mubalik ra dayon ko dinhi sa Cagayan de Oro so mao to ang hinungdan..”
Brgy. Lapasan Treasurer Julieto Manulat Hidalgo

Dumduman nga gi-deklarang missing si Hidalgo mi-aging semana.

Published by Jam Saba