Pinaka-unang grain ship nga mibiya sa Ukraine, mi-abot na sa Turkey!
Mi-abot na sa kadagatan sa Bosphorus strait, Turkey ang pinaka-unang grain ship nga mibiya sa Ukraine!
Gi-inspeksyon kaganihang buntag ang Razoni nga nagdala og 26, 000 tonnes nga mais sa dili pa magpadayon sa iyang paglawig paingon sa Lebanon.
Ubos sa kasabutan nga gidumala sa Turkey ug UN mi-aging bulan, mi-uyon ang duruha nga ibalik ang shipments.
Namahayag ang Ukraine nga ang ilang mga barko mo-giya sa mga kargamento pinaagi sa tubig nga gimina.
Dumduman nga gibabagan sa Russia ang pantalan sa Ukraine sukad misulong kini niadtong Pebrero diin nakapa-grabi sa kakulangon sa pagkaon sa kalibutan.
