Pagdungog kalabot sa crash photos ni Kobe Bryant, gisugdan na!
GISUGDAN na ang pagdungog sa gisang-at nga reklamo ni Vanessa Bryant, asawa ni late NBA star Kobe Bryant kalabot sa mga nanggawas nga litrato sa iyang bana atol sa helicopter crash!
Ang reklamo gisang-at sa US District Court niadtong Sityembre 2020 tungod sa pagpagawas sa Los Angeles Countyt Sherrif’s ug fire department og mga ngilngil nga litrato sa pagka-hagsa sa helicopter nga gisakyan ni Bryant.
Giingong gikabalaka ni Vanessa nga moabot ang panahon nga makita sa iyang mga anak ang ngilngig nga mga litrato online.
Una nang namahayag ang Los Angeles County Officials nga dili ang mga hulagway ang hinungdan sa “severe and emotional and mental injuries”.
