Iro nataptan og monkeypox gikan sa tawo sa Paris, France!

Na-detect sa Paris France ang pinaka-unang kaso sa monkeypox nga mitapot sa iro gikan sa tawo!
Gibutyag nga 12 ka adlaw sa pagsugod sa sintomas sa monkeypox sa duha ka lalaki nga na-diagnosed sa hospital sa Paris early June,
nagpakita usab og sintomas ang four (4) year old Italian greyhound o iro diin positibo kini sa susamang type sa monkeypox.
Una nang gibutyag sa mga lalaki nga sa wala pa nagsugod ang sintomas sa iro, gaabay kini og tulog kanila.
Matud ni WHO-Monkeypox Technical Lead Dr. Rosamund Lewis nga kini ang pinaka-unang insidente nga adunay human-to-animal transmission tungod animal-to-human transmission sa virus lamang ang gakataho.
Gi-angkon niini nga bag-o kini nga impormasyon apan dili na ikatingala. Kinahanglan lamang magma-igmaton.
Nakig-koordinar na ang WHO sa World Organization of Animal Health ug Food and Agriculture Organization aron matubag ang isyu.