Deed of Donation sa luna katukoran sa bag-ong Police Station sa Uptown area, giturn-over karung buntag sa City Government!
GI-TURN OVER karung buntag sa A Brown Corporation ngadto sa City government ang Deed of Donation alang sa luna katukoran sa bag-ong Police Station sa Uptown area!
Matud ni City Administrator Atty. Roy Hilario Raagas nga makatabang kini sa paghatag seguridad ilabi na sa paspas nga pagdaghan sa tawo sa uptown area.
“..gi turn over nila ang dokumento deed of donation maoy gipirmahan ni Mayor Klarex Uy. Mao nga gi endorsa gani ako ug uban konsehales sa atong ciudad nga dinhi ganina among gidawat in behalf of City Government ug ni Mayor Klarex Uy more or less 700 square meters nga yuta pinag iyahan sa A Brown gi-dunar ngadto sa city government aron mabutangan kini og bag-ong police station didto sa uptown arung makadugang sa atong law enforcement services crime prevention and solution..” –
City Administrator Atty. Roy Hilario Raagas
Gawas sa dugang police station, posible usab ang dugang satellite station sa CDRRMD ug BFP sa nahisgutang lugar.
“..posible di madugay magbutang tag satellite stations sa CDRRMO para sa dugang response emergensiya ingon man ang Beareu of Fire and Protection..” –
City Administrator Atty. Roy Hilario Raagas
