Bag-ong SRP sa school supplies, lauman!
LAUMAN ang pagpagawas sa DTI og bag-ong Suggested Retail Price kon SRP sa school supplies!
Matud ni Trade Secretary Alfredo Pascual nga gitun-an sa iyang departamento ang kasamtangang SRP list sa school supplies tungod sa kakulangon sa detalye.
Gidugang pa niini nga ang karaang SRP list dili na makatabang sa mga konsumante.
Gitanyag ni Pascual isip bag-ong department head ang bag-ong istilo sa paglantaw sa trabaho sa departamento ug usa sa mga tutokan ang SRPs.
Gawas sa presyo, lakip sa gipasusi ni Pascual ang kalidad sa mga butang pang-skwela.
