Senador Escudero, nag-file og bill aron isibog ngadto Mayo 2024 ang barangay ug SK elections!
GISANG-AT ni Senador Fracis “Chiz” Escudero ang sugyot balaudnon nga nagtinguhang mo-suspenso sa December 2022 Barangay ug SK elections!
Base sa explanatory note sa unnumbered bill sa Senador gibutyag niini nga ang pagsibog sa eleksyon ngadto May 2024 maghatag bentaha ilabi na sa kasamtangang sitwasyon sa pandemya.
Gidugang pa ni Senador Escudero nga ang bill motugot sa national government nga mag-alokar og portion sa budget nga gamiton sa eleksyon nga mokabat sa 8.44 billion pesos.
Hisayran nga dili si Escudero ang unang nag-file og bill sa umaabot 19th Congress.
Niadtong Miyerkules, misang-at og House Bill Number 1367 si Davao Oriental 2nd District Representative Cheeno Miguel Almario nga nagtinguha sa susamang tumong kang SEnador Escudero.
