Pipila ka bakery sa kauluhan, nagtaas sa presyo!
Napugos sa pagpataas sa presyo ang pipila ka bakery sa kauluhan tungod sa padayun usab nga pagtaas sa ingredients sa paggama ug pan sama sa harina ug asukar!
Mitaas ug 50 centavos ang presyo sa pandesal samtang piso usab sa bisan unsang matang sa pan.
Matud ni panadarong pilipino president Chito Chavez nga ila na lamang gitas-an ang presyo tungod kay kung ila gamayon ang sukod o ubsan ang timbang sa ilang ginama nga pan, magreklamo ang ilang mga suki.
Hisayran nga gawas sa tensyon tali Russia ug Ukraine, usa usab sa rason kung nganung taas ang presyo sa harina ug asukar ug ubang ingredients mao ang pagbulusok sa pagbinayloay sa piso ug dolyar.
